Жиззахда икки туманда қиймати 5,5 миллиард сўмдан ортиқ бўлган табиий газ ва электр энергиясидан ноқонуний фойдаланиш ҳолатлари аниқланди. Бу ҳақда Энергетика вазирлиги хабар берди.
Маълум қилинишича, Жиззах педагогика университетининг Зарбдор туманидаги сиртқи бўлими биносида ўрнатилган газ ускуналарининг қуввати газ ҳисоблагич ускунаси имкониятларидан ортиқ экани аниқланган.
Дастлабки ҳисоб-китобларга кўра, бино фаолияти натижасида 3 миллиард 520 миллион сўмлик зарар етказилган.
Яна бир ҳолатда Ғаллаорол туманидаги “A.U.B.” оилавий корхонаси тармоққа ўзбошимчалик билан уланиб, электр энергиясидан ноқонуний фойдаланиб келаётгани маълум бўлган.
Бу қоидaбузарлик оқибатида электр таъминоти корхонасига 2 миллиард 217 миллион сўмлик зарар етказилган.
Ҳозирда ҳуқуқни муҳофаза қилувчи органлар томонидан терговгача текширув ишлари олиб борилмоқда.
