Германия чегарачилари Франкфурт-Майн аэропортида Анголадан келган сайёҳнинг қўл юкидан 11 мингдан ортиқ олмос топишди. Бу ҳақда божхона ва федерал полицияга асосланиб DPA агентлиги хабар берди.
“Франкфурт аэропортидаги божхона ходимлари Анголадан Франкфуртга учиб келган 53 ёшли эркак сайёҳнинг қўл юкидан 11,2 мингдан ортиқ олмос топишди. Улар сумканинг икки қаватли тубига яширилган эди”, дейилади агентлик хабарида.
Таъкидланишича, олмослар декларация қилинмаган. Бундан ташқари, эркак қимматбаҳо тошлар учун сертификат ҳам кўрсата олмаган. Олиб кетилаётган олмосларнинг аниқ қиймати ҳозирча номаълум.
Эркак ҳуқуқ-тартибот органлари томонидан ҳибсга олинган.
