Рақобат қўмитаси Ўзбекистонда умра хизматини лицензиясиз реклама қилган яна 5 та туроператор жаримага тортилганини маълум қилди.
Навоий вилояти ҳудудий бошқармаси томонидан жами 2 та, яъни Panoramа Travel ва “Шаффоф Кичиксой” МЧЖларнинг туроператорларига нисбатан лицензия ҳужжатлари мавжуд бўлмаган ҳолда рекламалар жойлаштиргани ва бу билан “Реклама тўғрисида”ги қонун талабларини бузгани юзасидан белгиланган тартибда иш қўзғатилиб, якунлари бўйича молиявий жарималар қўлланган.
Шунингдек, қўмитанинг Наманган вилояти ҳудудий бошқармаси томонидан жами 3 та (“Умра Иҳлос Сардор домла”, “Юксак Аҳсан травел” ва “Эхпресс Парвоз Миллий сайёҳлик Оператори”) Telegram каналлари маъмурлари томонидан берилган рекламаларда ҳам юқоридаги каби қонунчилик талаблари бузилиши юзасидан мансабдор шахслари маъмурий жавобгарликка тортилган.
