Англиянинг “Ливерпуль” жамоаси охирги 12 ўйиннинг тўққизтасида мағлуб бўлди. Бу клубнинг 1953 йил ноябрдан 1954 йил январгача бўлган даврдан буён қайд этилган энг ёмон натижасидир. Бу ҳақда Championat нашри хабар берди.
Унга кўра, орадан 71 йил ўтиб, инглиз клуби яна ўша антирекордини қайд этди. “Ливерпуль” “Кристал Пэлас” (АПЛ), “Галатасарой” (ЕЧЛ), “Челси” (АПЛ), “Манчестер Юнайтед” (АПЛ), “Брентфорд” (АПЛ), “Кристал Пэлас” (Англия Кубоги), “Манчестер Сити” (АПЛ), “Ноттингем Форест” (АПЛ), ҳамда “ПСВ” (ЕЧЛ) каби жамоаларга мағлуб бўлди. Клуб “Реал”, “Астон Вилла” ҳамда “Айнтрахт” каби жамоаларни мағлуб этишни уддалаган. Умуман олганда, “қизиллар” охирги 3 та баҳсда 10 та гол ўтказиб юбориб, атиги бир марта рақиб дарвозасини ишғол қилган.
Мерсисайдликлар 26 ноябрь, чоршанба куни Чемпионлар Лигаси 5-туридан ўрин олган баҳсда “ПСВ”га 1:4 ҳисобида йирик мағлуб бўлди. Ҳозирда “қизиллар” ЕЧЛ турнир жадвалида 9 очко билан 13-ўринда бормоқда. “ПСВ” эса 8 очко жамғарган ҳолда 15-поғонадан жой олган.
Кейинги турда “Ливерпуль” 9 декабрь куни сафарда “Интер”га қарши майдонга тушади. Нидерландия клуби эса шу куни ўз майдонида “Атлетико”ни қабул қилади.
