Мактабгача ва мактаб таълими вазирлиги Наманганда бир гуруҳ шахслар ўзаро тил бириктириб, аттестация имтиҳонларида педагогларга моддий манфаат эвазига масофадан “бункер” орқали ёрдам бергани тўғрисидаги хабарларга муносабат билдирди.
Қайд этилишича, 2025 йил баҳорги аттестация жараёнларида айрим педагоглар томонидан ноқонуний қурилмалардан фойдаланиш ҳолатлари аниқланган.
Бунда баҳор ойида ўтказилган малака тоифа синовларида 75 нафар, кузги синовларда эса 45 нафар педагог томонидан қўшимча қурилма ва шпаргалкаларни олиб киришга уриниш бўлгани билдирилди.
Аниқланган талабгорларнинг барчаси аттестациядан четлатилган.
Ўзбекистонда 30—31 октябрь кунлари аттестацияда қатнашган инглиз тили ўқитувчиларининг катта қисми тест синовларидан норози бўлиб, вазирга мурожаат юборганди.
