“Ал Иттиҳод”нинг 38 ёшли ҳужумчиси Карим Бензема Саудия клуби билан шартномаси якунлагандан сўнг, собиқ жамоаси “Реал Мадрид”га қайтиши мумкин. Бу ҳақда футболчи AS нашрига берган интервьюсида айтиб ўтди.
More stories“Мен ҳеч қачон йўқ дея олмайман. Флорентино ўзгача инсон. Агар у ҳали у эрда бўлса, бу содир бўлиши мумкин. Мен Мадридистман. Мадрид ҳали ҳам менинг шаҳрим. Келинг, нима бўлишини кўрамиз”, дейди Бензема.
Интервью давомида Бензема Винисиус ҳақида ҳам фикр билдирди. У ёш ҳужумчини “Олтин тўп”га номзод сифатида юқори баҳолади, лекин унга ғалабага эришиш учун баъзи ўзгаришлар кераклигини таъкидлади:
“Менимча, у бир кун келиб “Олтин тўп”ни қўлга киритиши мумкин. Бу қийин, лекин у уддалай олади. У фақат футбол ўйнашга эътибор қаратганида ҳақиқий имкониятга эга бўлади. У сифатга эга ва бунга эришиш учун энг яхши жойда”, дейди Бензема.
Шунингдек, Бензема Винисиуснинг баҳсли вазиятларини ҳимоя қилиб, унинг майдондаги хатти-ҳаракатларини тушунтирди:
“У ҳали ёш, лекин “Реал Мадрид”да кўп ўйин ўтказди. Одамлар унинг қилган ишларини унута олмайди. Ҳозир уни ёмон ўйнаяпти, деб айта олмайсиз – бу адолатсизлик. У жуда яхши ўйнаяпти ва бундан ҳам кўпроқ нарсага қодир. Унинг характери шундай, майдондан олинганда жаҳли чиқади”, дея қўшимча қилди франциялик футболчи.
