Бугун, 27 октябрь куни Ўзбекистонда Apple Pay ишга туширилди. iPhone фойдаланувчилари учун Apple Wallet’га карталарини қўшиш мумкин бўлган маҳаллий банклар рўйхати эълон қилинди.
Ҳозирги вақтда Ўзбекистондаги саккизта маҳаллий банк ва финтех-сервисларнинг карталарини Apple Wallet’га қўшиш мумкин. Шу билан бирга, Apple Wallet иловасига АТТО транспорт картасини қўшишга уриниш вақтида Ўзбекистонда чиқарилган банк карталарини улаш мумкинлиги ҳақида билдиришнома пайдо бўлмоқда.
Қайд этиш жоиз, бундан бир неча кун олдин Туризм қўмитаси Ўзбекистонда тез орада Apple Pay хизмати ишга тушиши мумкинлиги ҳақида хабар берган эди. Ўшанда сайёҳлар оқими жадал ўсиши кутилаётган Хитой ва Ҳиндистон бозорларига алоҳида эътибор қаратилиб, Alipay+ ҳамда NPCI International тизимлари билан интеграция ишлари олиб борилаётгани маълум қилинганди.
