Бугун, 5 сентябрь куни Андижон вилоятининг Андижон шаҳридаги автомобилларга газ тўлдириш шохобчасида Spark автомобилига газ қуйиш вақтида портлаш содир бўлди. Бу ҳақда вилоят Фавқулодда вазиятлар бошқармасин хабар берди.
Маълум қилинишича, соат тахминан 11:15 да Андижон шаҳар “Андижон” МФЙ ҳудудида жойлашган автомобилларга газ тўлдириш компрессор шохобчасида Spark русумли транспорт воситасига газ тўлдириш вақтида портлаш содир бўлган.
Ҳодиса оқибатларини тезкорлик билан бартараф этиш мақсадида барча куч ва воситалар зудлик билан воқеа жойига етиб борган.
Манбага кўра, чақнаш оқибатида ёнғин келиб чиқмаган. Ҳодиса оқибатида тан жароҳати олганлар йўқ.
