More stories
Ўзбекистонда 2026 йил 1 январдан бошлаб чиқинди хизматлари учун тўловлар жисмоний ва юрдик шахслар томонидан фақат онлайн тарзда барча электрон тўлов тизимлари орқали амалга оширилади.
Қайд этилишича, бу – соҳада аҳолига қулай тўлов тизимини яратиш, биллинг ҳисобларини юритишда шаффофликни таъминлаш ва коррупсион ҳолатларнинг олдини олиш мақсадида амалга оширилмоқда.
Бу борада Чиқиндиларни бошқариш ва циркуляр иқтисодиётни ривожлантириш агентлиги томонидан Қорақалпоғистон Республикаси, вилоятлар ҳамда Тошкент шаҳридаги барча санитар тозалаш корхоналарига тегишли кўрсатма берилган.
Республикада маиший чиқиндиларни олиб чиқиб кетиш хизмати учун жисмоний ва юридик шахслардан тўловларни қабул қилиш ва абонентлар ҳисобини юритишни фақатгина:
- Агентликнинг “Тоза макон” биллинг тизими;
- электрон тўлов тизимлари;
- ёки интернет алоқаси билан таъминланмаган, ҳудуд марказидан олис масофада жойлашган аҳоли яшаш пунктлари учун истисно тариқасида тижорат банклари кассалари, “Ўзбекистон почтаси” АЖ почта бўлимлари орқали амалга оширилади.
