Тошкент шаҳрида ЙПХ ходимини автомобил капоти устида судраб кетган йигитга нисбатан жиноят иши қўзғатилди.
Бу ҳақда Бош прокуратура хабар берди. Қоидабузарга Жиноят кодексининг 219-моддаси (Ҳокимият вакилига ёки фуқаровий бурчини бажараётган шахсга қаршилик кўрсатиш) билан жиноят иши қўзғатилди. Гумонланувчи шахс процессуал тартибда ушланган.
Тергов ҳаракатлари олиб борилмоқда.
Суриштирувлар давомида аниқланишича, 2001 йилда туғилган ҳайдовчининг автомобилида жами 144 маротаба қоидабузарлик содир этилган. Шулардан 38 тасининг муддати ўтган, 30 таси эса МИБ органларига ўтказилган бўлиб, умумий қарздорлик суммаси 18.090.000 (ўн саккиз миллион тўқсон минг) сўм эканлиги маълум бўлди.
