2026 йил 1 июлдан бошлаб Ўзбекистонда рецепт асосида бериладиган дори воситалари учун қайта шакллантирилган чекланган нархлар тўлиқ кучга кирди.
Тиббиёт ва фармацевтика тармоғини ривожлантириш агентлигининг маълум қилишича, 2026 йил 1 апрель ҳолатига кўра, қарийб 2,5 минг турдаги рецепт асосида бериладиган дори воситалари нархлари қайта кўриб чиқилган.
Натижада айрим тоифадаги дори воситалари нархи сезиларли арзонлашган. Хусусан:
- антибиотиклар ва микробларга қарши воситалар — 50 фоизгача;
- юрак-қон томир тизими дорилари — 37 фоизгача;
- асаб тизими дорилари — 40 фоизгача;
- яллиғланишга қарши ва оғриқ қолдирувчи ностероид воситалар (НЯҚВ) — 42 фоизгача.
Шунингдек, фуқаролар pharm.gov.uz сайти ҳамда PharmUz мобил иловаси орқали рецепт асосида бериладиган дори воситаларининг чекланган нархларини мустақил текшириши, уларни амалдаги нархлар билан таққослаши ҳамда аниқланган ҳолатлар юзасидан мурожаат юбориши мумкин.
