Қозоғистон ва БАА бир-бирларининг ҳайдовчилик гувоҳномаларини ўзаро тан олди. Қозоғистон Ички ишлар вазири Ержан Саденов ва Амирликлар ички ишлар вазири шайх Саиф бин Зоид ал Наҳаён келишувни имзолади. Бу ҳақда “Tengrinews” хабар берди.
25 июнда Абу Дабига ташриф чоғида “права”ни ўзаро тан олиш ва алмашиш тўғрисидаги меморандум имзоланди.
Келишув томонлар зарурий давлат ички тартиб-таомилларини якунлаганидан сўнг кучга киради. Бу икки давлат фуқаролари учун қўшимча қулайликлар яратиш имконини беради.
“Ҳар йили Қозоғистоннинг 400 мингга яқин фуқароси БААга ташриф буюради. Бундан ташқари, БАА ҳудудида 14 мингга яқин қозоғистонлик доимий тартибда яшайди. Имзоланган меморандум уларга ҳайдовчилик гувоҳномасидан фойдаланиш ва алмаштириш учун янада қулай шарт-шароитлар яратиш имконини беради”, дейилади хабарда.
Маълумот ўрнида, Ўзбекистоннинг ҳайдовчилик гувоҳномалари ҳам БААда амал қилади. Бундан ташқари Арманiстон, Бэларус, Жанубiй Корея, Қирғизистон, Қозоғистон, Молдова, Озарбайжон, Россия, Тожикистон, Туркманистон ва Украинада ҳам улардан фойдаланиш мумкин.
