James Cameron “Avatar” франшизасининг тўртинчи ва бешинчи қисмларини ишлаб чиқариш режалари ҳақида маълум қилди.
Маълум қилинишича, режиссёр The Empire Film подкастида ижодий жамоа фильмларни суратга олиш жараёнини янада тезлаштириш учун янги технологияларни жорий этишни режалаштираётганини айтган. Унинг сўзларига кўра, асосий мақсад кейинги фильмларни аввалги қисмларга нисбатан икки баробар тезроқ ва тахминан учдан икки баробар арзонроқ суратга олишдан иборат.
Кэмероннинг таъкидлашича, янги технология ва ёндашувларни такомиллаштириш ҳамда амалиётга жорий этиш учун тахминан бир йил вақт талаб қилиниши мумкин.
Режиссёр аввалроқ “Avatar” франшизасининг тўртинчи ва бешинчи қисмлари тақдири учинчи фильмнинг кассадаги натижаларига бевосита боғлиқ эканини ҳам айтган эди. Хабарларга кўра, Avatar: Fire and Ash фильми жаҳон бўйлаб 1,48 миллиард доллардан ортиқ даромад келтирган бўлса-да, бу франшизадаги энг паст даромад кўрсаткичларидан бири бўлган.
Шунингдек, NSN Radio Point Telegram канали маълумотига кўра, Жеймс Кэмерон келажакда “Avatar” франшизасини тўлиқ якунлаши мумкинлигини ҳам истисно қилмаган.
