Англиянинг “Манчестер Сити” клуби собиқ ҳужумчиси Серхио Агуэро жамоанинг ўзбекистонлик ҳимоячиси Абдуқодир Ҳусанов ҳақида ўз фикрлари билан ўртоқлашди. Агуэро City Xtra нашрига берган интервьюсида Ҳусанов жамоа ҳимоясидаги муаммоларни бартараф эта олишини таъкидлади.
“Абдуқодир Ҳусанов бу йил жуда яхши ўйинлар ўтказди. У одатдаги мослашув жараёнидан ўтиб бўлди ва ҳозирда унинг қандай даражадаги футболчи эканлигини кўриб турибмиз. Абдуқодир жуда кучли, тезкор ва яккама-якка курашларда ғолиб чиқади. У эндигина 22 ёшда. Ишонаманки, у ‘Ситиъда узоқ йиллар давомида тўп тепади”, дея фикр билдирди Серхио Агуэро.
Эслатиб ўтамиз, Абдуқодир Ҳусанов 2025-йилнинг январь ойида Франциянинг “Ланс” клубидан 40 миллион евро эвазига “Манчестер Сити”га ўтган эди. Жорий мавсумда ҳимоячи “шаҳарликлар” сафида барча турнирлар доирасида 23 та учрашувда майдонга тушди. Transfermarkt портали ўзбекистонлик ҳимоячининг қийматини 35 миллион еврога баҳоламоқда.
