Аввалроқ, Қириғизистон Президенти Садир Жапаров Ўзбекистон Президенти Шавкат Мирзиёевни Самарқандда UNESCO’нинг 43-сессияси Бош конференцияси иш бошлагани билан табриклаганди. Президент Мирзиёев қўшни давлат раҳбарининг табрикномасига жавобан мактуб йўллади.
Давлат раҳбари Қирғизистон томони ушбу тадбирга нуфузли делегациясини юборгани учун миннатдорлик билдирган.
“Мазкур халқаро форум сўнгги қирқ йил ичида илк бор UNESCO Бош қароргоҳидан ташқарида – қадимий Самарқанд шаҳрида ўтказилаётгани Марказий Осиё минтақасининг умумий муваффақияти экани, Ўзбекистоннинг халқаро майдондаги обрў-эътибори тобора ошиб бораётгани ҳақидаги илиқ сўзларингиз биз учун ғоят қадрлидир.
Конференцияда илгари сурилган муҳим ташаббуслар ва қабул қилинадиган қарорлар таълим, фан ва маданият соҳасида глобал ҳамкорликнинг янги уфқларини очиши, ўзаро дўстлик муҳитини янада кучайтириши ҳақидаги фикрларингизга ҳам тўлиқ қўшиламан”, дейилган мактубда.
Ўзбекистон раҳбари икки мамлакат ўртасидаги қардошлик ришталари тобора мустаҳкамланиб бораётгани ва бўлажак олий даражадаги мулоқотлар стратегик шерикликни юқори босқичга кўтаришига ишонч билдирган.
Маълумот учун, UNESCO Бош конференциясининг 43-сессияси 30 октябрь – 13 ноябрь кунлари бўлиб ўтади.
