UFC президенти Дана Уайт бўлажак UFC Оқ уй турнирининг умумий соврин жамғармаси 1 миллион долларни ташкил этишини маълум қилди. Бу ҳақда ташкилот раҳбари Вашингтонда бўлиб ўтган турнир матбуот анжуманида сўз очди.
“Асосий жанг мукофоти ҳар икки жангчига 300 минг доллардан топширилади. Бундан ташқари, энг яхши натижа қайд этган жангчилар турнир якунида яна 200 минг доллардан бонус олади”, дейди Дана Уайт.
Аввалроқ, Дональд Трамп АҚШнинг 250 йиллиги муносабати билан Оқ уй ҳудудида UFC турнири ўтказилишини эълон қилган эди. Ушбу тадбир АҚШ Мустақиллик декларацияси имзоланишининг 250 йиллигига бағишланади. Турнир жорий йилнинг 14 июнь куни ўтказилиши режалаштирилган бўлиб, айнан шу куни Трамп 80 ёшни қарши олади.
Эслатиб ўтамиз, ушбу турнир жорий йилнинг 14 июнь куни АҚШнинг Вашингтон шаҳрида бўлиб ўтади. Турнирининг марказий жанги енгил вазн тоифасида кечади. Унда мағлубиятсиз 29 ёшли UFC чемпиони Илия Топурия ҳамда 37 ёшли америкалик, вақтинчалик енгил вазн чемпиони Жастин Гетжи ўзаро октагонга чиқади.
