Қорақалпоғистоннинг Нукус шаҳридаги тиббиёт техникуми талабаси пора билан ушланди. Бу ҳақда Ички ишлар вазирлиги хабар берди.
Маълум қилинишича, 2006 йилда туғилган йигит ўзидан бир ёш кичик фуқаронинг ишончига кирган. Фуқарони Нукус темирйўл вокзалидаги танишлари орқали машинист ёрдамчиси лавозимига ишга жойлаштиришга ваъда берган.
Кейин кўрсатадиган “хизмати” эвазига икки минг доллар талаб қилган. Олдиндан минг доллар олган вақтида ички ишлар ходимлари томонидан ушланган.
“Мазкур ҳолат юзасидан фуқарога нисбатан Жиноят кодексининг 168-моддаси билан жиноят иши қўзғатилиб, ҳозирда дастлабки тергов ҳаракатлари олиб борилмоқда”, дейилади вазирлик хабарида.
