Фавқулодда вазиятлар қутқарувчилари Сурхондарё вилояти Бойсун туманида бир фуқаронинг ҳаётини сақлаб қолди. Бу ҳақда ФВВ матбуот хизмати хабар берди.
Қайд этилишича, 21 март куни соат 10:00 да Сурхондарё вилояти ФВБга, Бойсун туманида яшовчи фуқаро яшаш уйидан 20 метр узоқликда жойлашган адирликка томоша қилиш мақсадида чиқиб, эҳтиётсизлиги оқибатида тахминан 25-30 метр пастликка сирпаниб тушиб кетгани тўғрисида хабар келиб тушган.
Хабарга асосан ФВВ қутқарувчилари айтилган манзилга етиб бориб, фуқарони жарликдан чиқариб олган ва унинг ҳаётини сақлаб қолишган. Шундан сўнг тиббиёт ходимларига топширилган. Ҳозирда фуқаронинг аҳволи яхши.
