Сурхондарёлик эркак ўзида мавжуд бўлмаган Cobalt машинасини 15 кишига сотиб фирибгарлик қилди.
Қумқўрғон туманида яшовчи 27 ёшли йигит Telegram’да сохта профил очиб, турли гуруҳларда Cobalt автомобили сотилиши ҳақида эълонлар жойлаштирган. Харидорларни жалб қилиш учун машинани бозор баҳосидан анча паст кўрсатган. Гумонланувчи шахс харидорлардан машинага янги шиналар қўйиш учун олдиндан тўлов қилишларини сўраган. Пулларни олгач, ёзишмаларни ўчириб юборган.
Тергов давомида у вилоятнинг Олтинсой туманидаги 3 фуқарога жами 8 миллиондан ортиқ моддий зарар етказгани аниқланган. Умумий ҳисобда у 15 нафар фуқаронинг ишончига кириб, пул маблағларини ўзлаштирган.
Ҳозирда унга нисбатан Жиноят кодексининг 168-моддаси 3-қисми (фирибгарлик) билан жиноят иши қўзғатилган ва қамоққа олиш эҳтиёт чораси қўлланган.
Ҳуқуқ-тартибот органлари ушбу шахсдан жабрланганлар ички ишлар органларига мурожаат қилишини сўраган.
