Бир неча кун аввал Бокуда полиция томонидан қўлга олинган қўқонлик табиб Иқбол Солиев 12 март куни озодликка чиқарилди.
У одамларни ўз услубида даволаш учун Бокудаги BI-ES VIP клиникасида қабул ўтказганди. Қабулига келганлар сони ортиб, йирик навбатлар пайдо бўлганди. 11 март куни Озарбайжон нашрлари у қўлга олинганини эълон қилди.
Иқбол Солиев қўлга олинишидан аввал “инсонларга шифо, биоэнергия бериши” муносабати билан фахрий ёрлиқ ҳам берилган. Бу ҳақда унинг ўзи Instagram’даги саҳифасида маълум қилган.
Лент.аз нашрининг ёзишича, унга нисбатан қонунчиликка мувофиқ тегишли жавобгарлик чоралари кўрилган. Шунингдек, унинг Озарбайжондан чиқариб юбориш таъминланган.
