Бугун, 26 февраль куни Президент Шавкат Мирзиёев Сурхондарё вилоятига жўнаб кетди. Бу ҳақда Президент матбуот хизмати хабар берди.
Сафарнинг кенг кўламли дастуридан ҳудудда амалга оширилаётган бунёдкорлик ишлари, саноат, қишлоқ ва сув хўжалиги, қурилиш, ижтимоий ва бошқа соҳалардаги лойиҳалар билан танишиш, янгиларини ишга тушириш ўрин олган.
Эртага, 27 февраль куни давлат раҳбари Сурхондарё вилоятини комплекс ривожлантириш бўйича навбатдаги устувор вазифалар юзасидан йиғилиш ўтказади.
