Францияда 89 нафар вояга етмаганни зўрлашда айбланаётган эркакка нисбатан жиноий иш қўзғатилди. Жиноятлар у яшаган саккиз мамлакатда содир этилган. Бу ҳақда Le Figaro хабар бермоқда.
Эркак 50 йилдан ортиқ вақт давомида — 1967 йилдан 2022 йилгача жинсий жиноятлар содир этган. У Франция, Жазоир, Швейцария, Германия, Нигер ва бошқа мамлакатларда яшаб, ўқитувчи ёки ёшлар оромгоҳи раҳбари сифатида вақтинчалик ишлар билан шуғулланган.
Прокурорнинг айтишича, тергов Гренобл шаҳрида 2024 йил январь ойида бошлаган. Шу вақт ичида йиғилган материаллар ёрдамида 13 ёшдан 17 ёшгача бўлган ўсмирдан иборат қурбонлар рўйхати тузилган. Прокуратура рўйхатнинг тўғрилигини ва тўлиқлигини назоратга олган ҳамда қурбонлар сони анча кўп бўлиши мумкинлигини тахмин қилди.
Терговда 89 нафар жабрланувчи иштирок этади. Уларнинг тахминан 40 нафарининг шахси аниқланган. Кўпчилик шикоят қилган, лекин ҳеч ким даъвогар сифатида чиқмаган.
“Агар қурбонлар гувоҳлик бермоқчи бўлса, буни тезроқ қилишсин”, деган Манто.
Прокурорнинг эслатишича, 1993 йилгача содир этилган жиноятлар учун даъво муддати ўтган. Бироқ жабрланувчилар педофилнинг қилмишлари ҳақида тўлиқ тасаввурга эга бўлиш учун содир бўлган воқеалар ҳақида хабар беришлари керак.
Тергов ҳаракатлари давомида Лёвогл томонидан содир этилган иккита қотиллик ҳам тергов қилинмоқда. У 1974 йилда саратон касаллигига чалинган онасини, 1992 йилда эса тўқсон ёшли аммасини ёстиқ билан бўғиб ўлдирганини тан олган.
