Россиялик генерал-лейтенант Игор Кириллов ва унинг ёрдамчиси Илья Поликарповни портлатиб ўлдирганликда айбланган Ўзбекистон фуқароси Аҳмаджон Қурбонов умрбодга қамалди. Унга 1 миллион рубль миқдорида жарима ҳам белгиланди. Бу ҳақда “РБК” мухбири хабар берди.
Портловчи моддаларни етказиб берганликда айбланган озарбайжонлик Роберт Сафарян 25 йилга қаттиқ тартибли колонияга ҳукм қилинди. Ижрочига уй-жой берган ингушетиялик Ботухон Точиев ва Рамазон Падиев мос равишда 22 йил ва 18 йилга қамалди, шунингдек, улар 200 минг рубль миқдорида жаримага тортилди.
Иш бўйича айбланувчиларга уларнинг ролига қараб террорчилик уюшмасини ташкил этиш ва унда иштирок этиш, террорчилик ҳаракатини тайёрлаш, шунингдек, портловчи моддаларни ноқонуний айланиши ва портловчи қурилма тайёрлаш айбловлари қўйилган.
Генералнинг ўлими
Кириллов ва унинг ёрдамчиси Илья Поликарповни портлатиб юбориш 2024 йил 17 декабрь куни содир бўлган эди. Улар Москванинг Рязань проспектидаги подъезддан чиқаётганда портлаш оқибатида ҳалок бўлган. Терговчилар портлатиш мосламаси подъезд ёнида турган самокатга жойлаштирилганини айтган. Кирилловни олиб кетиш учун келган машина ҳайдовчиси тирик қолган.
Улардан фойдаланиш 1993 йилдан бери Кимёвий қуролни ишлаб чиқиш, ишлаб чиқариш, қўллаш ва йўқ қилишни тақиқлаш тўғрисидаги конвенция билан ман этилган. Уруш давомида 2000 дан ортиқ ҳарбий турли даражадаги кимёвий заҳарланиш билан касалхоналарга тушган.
Игор Кириллов Россия армиясининг радиацион, кимёвий ва биологик ҳимоя қўшинлари бошлиғи, генерал-лейтенант бўлган. У 2023 йилда Мудофаа вазирлиги томонидан мунтазам равишда брифинглар ўтказиб, унда Россия ҳудудида тайёрланаётган терактлар ҳақида маълумот берган.
Россия хавфсизлик хизмати: Кирилловни ўлдирган шахсга 100 минг доллар ваъда қилинган
2024 йил 18 декабрь куни Кириллов ва Поликарповни ўлдиришда гумонланаётган 1995 йилда туғилган Ўзбекистон фуқароси қўлга олинган. Россиялик ҳуқуқ-тартибот идораларига кўра, сўроқ пайтида у гўёки “Украина махсус хизматлари томонидан ёллангани”ни тан олган ва жиноятни содир этгани учун унга “100 минг доллар миқдорида пул мукофоти ҳамда Европа Иттифоқига чиқиш” ваъда қилинганини айтган.
