Кеча, 28 декабрь куни АҚШнинг Флорида штатидаги Мар-а-Лаго қароргоҳида АҚШ Президенти Дональд Трамп ва Украина етакчиси Владимир Зеленский ўртасидаги учрашув бўлиб ўтди. Бу ҳақда Оқ уй хабар берди.
Томонлар учрашувда АҚШ томонидан таклиф этилган тинчлик режасини муҳокама қилди. Музокаралар бошланишидан аввал икки етакчи журналистлар учун қисқа баёнот берди. Зеленский АҚШ томони билан хавфсизлик кафолатлари, жумладан АҚШ ва Европа томонидан бериладиган кафолатлар, урушнинг ҳарбий жиҳатлари, Украинани тиклаш режаси ҳамда тинчлик келишувини муваффақиятли амалга ошириш учун босқичма-босқич ҳаракатлар режасини муҳокама қилиш ниятида эканини айтди.
Дональд Трамп ҳам Владимир Путин, ҳам Владимир Зеленский келишувга эришишни хоҳлаётганига ишонишини билдирди. АҚШ Пезиденти хавфсизлик кафолатлари бўйича келишув тузилишини ҳам таъкидлади.
Шундан сўнг, икки Президент музокараларни ёпиқ эшиклар ортида давом эттириш учун зални тарк этди.
