Андижон вилоятининг Асака туманида катта миқдордаги табиий газдан ноқонуний фойдаланган умумий овқатланиш маскани аниқланди. Бу ҳақда “Ҳудудгазтаъминот” АЖ хабар қилди.
Қайд этилишича, Бобур маҳалла фуқаролар йиғинида жойлашган чойхонада хатлов ўтказилганда истеъмолчи бинода газ таъминоти ташкилоти билан шартнома расмийлаштирмасдан, ҳисоблагичсиз, ўзбошимчалик билан тармоққа уланиб олган ҳолда табиий газдан фойдаланиб келаётгани маълум бўлган.
Ҳолат юзасидан далолатнома тузилиб, 1 миллиард 848 миллион сўм зарар қайта ҳисоб-китоб қилинган. Барча ҳужжатлар ҳуқуқни муҳофаза қилувчи органларга юборилди.
