Англия Премьер Лигаси 21-туридан ўрин олган “Манчестер Сити” ҳамда “Брайтон” ўртасидаги баҳс якунланди. Ўйиндан кейин “шаҳарликлар” устози Пеп Гвардиола ўзбекистонлик футболчи Абдуқодир Ҳусанов ҳақида фикр билдирди.
“Бугун марказий ҳимояда ўйнаган футболчилар ажойиб ҳаракат қилди. Абдуқодир Ҳусанов жуда ажойиб футболчи. У рақиб узатмаларни яхши назорат қилиб, ўз тезлиги орқали майдондаги очиқ ҳудудларни тўлиқ ёпиб бера олади. У — жуда тезкор. Албатта, Абдуқодир ҳали ўз ўйинини янада ривожлантиради: жараёнга кўпроқ қўшилиши, ўйинда фаолроқ бўлиши ва янада дадилроқ ҳаракат қилиши керак. Аммо бу вақт масаласи. Шуни ҳам айтишим керакки, Ҳусанов ҳозир ҳам ҳимояда ажойиб ўйин кўрсатмоқда”, деди Пеп Гвардиола.
Маълумот учун, Англия Премьер Лигаси 21-туридан ўрин олган беллашувда “Манчестер Сити” “Брайтон” билан 1:1 ҳисобида дуранг ўйнади. Абдуқодир Ҳусанов учрашувни асосий таркибда бошлаб, 90 дақиқа майдонда ҳаракат қилди. Айни пайтда “шаҳарликлар” 43 очко билан турнир жадвалида 2-поғонани эгаллаб турибди. Клуб етакчи “Арсенал”дан 5 очкога ортда қолмоқда.
“Манчестер Сити” навбатдаги учрашувини Англия Лига Кубоги доирасида “Эксетер Сити” жамоасига қарши майдонга тушади. Учрашув 10-явар куни бўлиб ўтади.
