“Барселона” ярим ҳимоячиси Педри клуб тарихида Ла Лигада 150 та ўйинда майдонга тушган энг ёш футболчи сифатида тарихга кирди ва Лионель Мессининг узоқ йиллик рекордини янгилади. Бу ҳақда SI хабар берди.
Жорий йилнинг 13 декабрь куни Педри “Барселона” сафида “Осасуна”га қарши ўйинда Ла Лигадаги 150-учрашувини ўтказди. Маълумотларга кўра, 23 ёшли испаниялик футболчи клуб тарихида Ла Лигада 150 та ўйинда майдонга тушган энг ёш футболчи сифатида тарихга кирди ва Лионель Мессининг 2010 йилда ўрнатилган рекордини янгилади.
Месси Ла Лигадаги 150-учрашувини 2010 йил 23 октябрда “Сарагоса”га қарши ўйинда ўтказган ва ўша пайтда 23 ёш 121 кунлик эди. Педри эса ушбу маррага 23 ёш 18 кунлигида етди.
Испания Ла Лигасида 150 ўйинда қатнашган Педри “Барселона” билан 2022-2023 ва 2024-2025 йилларда мамлакат чемпионлигини қўлга киритган.
Маълумот учун, “Барселона” ҳозирда Ла Лига турнир жадвалида 43 очко билан етакчилик қилмоқда. Навбатдаги турда каталонияликлар “Вильярреал” майдонига сафар қилади.
