2025 йил Globe Soccer Awards доирасида “Йилнинг энг яхши футболчиси” соврини учун якуний номзодлар рўйхати маълум қилинди. Бу ҳақда ташкилот ўзининг расмий саҳифасида хабар берди.
Якуний номзодлар рўйхатида ПСЖ ҳужумчилари Усмон Дембеле, “Реал Мадрид” вакили Килиан Мбаппе ва “Барселона” ҳужумчиси Ламин Ямаль ўрин эгаллаган.
Globe Soccer Awards бош мукофоти учун тўлиқ номзодлар рўйхати қуйидагича:
ПСЖ: Усмон Дембеле, Дезире Дуэ, Ашраф Ҳакими, Хвича Кварацхелия, Нуну Мендеш, Витинья;
“Манчестер Сити”: Эрлинг Ҳоланд;
“Ливерпуль”: Муҳаммад Салоҳ;
“Реал Мадрид”: Винисиус Жуниор, Килиан Мбаппе;
“Барселона” : Роберт Левандовский, Ламин Ямаль, Педри ва Рафинья;
“Челси”: Коул Палмер.
Шунингдек, Globe Soccer Awards Яқин Шарқдаги “Йилнинг энг яхши футболчиси” соврини учун ҳам номзодларни эълон қилди. Улар орасида Криштиану Роналду (“Ал-Наср”), Карим Бензема (“Ал-Иттиҳод”), Риёд Маҳрез (“Ал-Аҳли”) ва Салем Аль-Доусари (“Ал-Ҳилол”) бор.
“Энг яхши ёш футболчи” соврини учун Эльесс Бен Сегир (“Байер”), Пау Кубарси (“Барселона”), Арда Гюлер (“Реал Мадрид”), Кенан Йилдиз (“Ювентус”), Дезире Дуэ ва Жоау Невеш (ПСЖ) номзодлари кўрсатилган.
Бундан ташқари “Йилнинг энг яхши мураббий” соврини учун Хаби Алонсо (“Реал Мадрид”), Микел Артета (“Арсенал”), Луис Энрике (ПСЖ), Ханси Флик (“Барселона”), Энцо Мареска (“Челси”) ва Арне Слот (“Ливерпуль”) даъвогарларик қилмоқда.
Тақдирлаш маросими жорий йилнинг 28 декабрь куни Дубайда бўлиб ўтади.
Маълумот учун, Globe Soccer Awards’нинг ўтган йили бош мукофотини Мадриднинг “Реал” клуби ҳужумчи Винисиус Жуниор қўлга киритган эди.
