Ўзбекистоннинг 3 та ҳудудида ноқонуний валюта савдоси билан шуғулланган шахслар қўлга тушди. Бу ҳақда Иқтисодий жиноятларга қарши курашиш департаменти хабар қилди.
Қайд этилишича, Яккасарой туманида валюта айирбошлаш билан шуғулланиб келган шахс С.М. фуқаро Ю.А.га 5 минг долларни 60 миллион сўмга сотган вақтида ашёвий далиллар билан ушланган.
Самарқанд туманида ўтказилган тезкор тадбирда эса С.Т. фуқаро Т.С.га 4 000 долларни 48,1 миллион сўмга пулламоқчи бўлганида қўлга тушган.
Термиз шаҳрида кузатилган ҳолатда эса ноқонуний валюта савдоси билан шуғулланиб келган Ф.О. ва бошқалар фуқаро М.X.дан 300 минг россия рубльини 3 700 доллар ва 400 минг сўмга сотиб олган вақтида ашёвий далиллар билан ушланди.
Ушбу ҳолатлар юзасидан Жиноят кодексининг тегишли моддалари билан иш очилиб, тергов ҳаракатлари ўтказилмоқда.
