Тошкент вилояти Қибрай туманида ноқонуний “майнинг ферма” ташкил этиб, 1 млрд сўмлик электр энергиясидан ноқонуний фойдаланган хонадон аниқланди. Бу ҳақда “Ўзенергоинспексия” хабар берди.
Ҳолат “Ўзенергоинспексия” Тошкент вилояти ҳудудий бошқармаси томонидан ўтказилган назорат тадбирида аниқланган. Қибрай туманида яшовчи фуқаро М. Ш.га қарашли хонадонда майнинг қурилмасини тақмоққа тўғридан тўғри улаб, ноқонуний фойдаланиб келган.
Ушбу қоидабузарлик оқибатида электр таъминоти корхонасининг дастлабки ҳисоб-китобларига кўра, 1 миллиард 14 миллион сўмлик зарар етказилгани маълум бўлди.
Ҳозирда ҳуқуқни муҳофаза қилувчи органлар томонидан терговга қадар текширув ишлари олиб борилмоқда.
