More stories
Жиззахда сифатсиз гўшт олиб кетилаётган 2 та Cobalt машинаси тўхтатиб қолинди. Бу ҳақда вилоят ИИБ матбуот хизмати хабар қилди.
Қайд этилишича, Дўстлик туманидаги йўл-патрул масканида Қашқадарёдан Тошкентга кетаётган 2 та Cobalt тўхтатиб текширилганида, уларнинг салонида жами 1897 килограмм йирик шохли ҳайвонга тегишли гўшт маҳсулоти борлиги аниқланди.
Ушбу антисанитар ҳолатда, машина юкхона ва салонида пойтахтда сотиш учун ташиб кетилаётган маҳсулотнинг 677 килограмм қисми инсон истеъмоли учун яроқсиз деб топилиб, ёқиш йўли билан йўқ қилинди.
Гўштнинг эгаларига нисбатан тегишли ҳужжатлар расмийлаштирилиб, маъмурий жавобгарлик белгиланган.
