Бугун, 12 декабрь куни Тошкент шаҳрининг Яккасарой туманида янги қурилаётган бинода ёнғин содир бўлди. Бу ҳақда пойтахт Фавқулодда вазиятлар бошқармаси хабар берди.
Маълум қилинишича, соат 01:50 да туманнинг Имом Ал-Термизий кўчасида янги қурилаётган икки қаватли бинода ёнғин рўй бергани тўғрисида ФВБга хабар тушган.
Шунга кўра, қутқарув экипажи соат 01:54 да воқеа жойига етиб бориб, ёнғин соат 02:11 да қуршаб олиниб, соат 02:19 да ўчирилган.
Билдирилишича, ёнғин оқибатида тан жароҳати олган фуқаролар йўқ. Ҳозирда ҳодиса сабаби ва келтирилган моддий зарар миқдори аниқланмоқда.
