Россиянинг 2025 йил октябрь ойида нефть ва газ савдосидан олган даромади ўтган йилнинг шу ойига нисбатан 26,6 фоизга камайиб, 888,6 миллиард рубльни (тахминан 10,9 миллиард доллар) ташкил этди. Бу ҳақда Россия Молия вазирлигига таяниб, ТАСС хабар берди.
Вазирлик маълумотига кўра, январь–октябрь ойларида нефть ва газдан тушган умумий даромад 7,5 триллион рубльни ташкил этган. Бу 2024-йилнинг шу даврига нисбатан 21,4 фоиз кам дегандир. Ҳисоботда айтилишича, 2025-йилнинг июль ойида нефть-газ экспортидан тушган фойда режалаштирилган даражадан паст бўлган. Бироқ октябрь ойида, ўтган йилдаги кўрсаткичдан камайганига қарамай, сентябрь ойига нисбатан 52,6 фоиз ўсиш қайд этилган. Мутахассислар буни энергетика компанияларининг солиқ тўловлари ошгани билан изоҳламоқда.
Ғарб давлатлари Россиянинг нефть ва газ соҳасига нисбатан кенг кўламли санксиялар қўллашни давом эттирмоқда. Хусусан, АҚШ 22 октябрь куни Россиянинг “Лукойл” ва “Роснефт” компанияларига қарши санксиялар киритганди. Мазкур чеклов Киев ва Москва ўртасидаги урушда отасгкесимга эришилмай давом этаётгани сабаб жорий этилган.
Шундан сўнг, дунёнинг бир қанча давлатлари рус нефтьини сотиб олишни рад этишни бошлаган. Айни пайтда, Москва ўз энергия экспортини Осиё мамлакатларига йўналтириш орқали янги бозорларни эгаллашга уринмоқда.
