Instagram узун, горизонтал видеоларни жойлаштириш имкониятини синовдан ўтказишни бошлаганини эълон қилди. Маълум қилинишича, ушбу видеолар давомийлиги 90 минутгача бўлади.
Феатурес деб номланган янги формат ҳозирча фақат АҚШ ва Бразилиядаги баъзи контент яратувчилар учун очиқ. Ушбу функция қачон оммавий равишда тақдим этилиши ҳозирча номаълум.
Instagram илгари ҳам узоқ давом этадиган горизонтал видеолар учун алоҳида формат таклиф қилган эди. ИГТВ деб номланган бу хизмат 2018 йилда YouTube билан рақобатлашиш учун яратилган. Бироқ у етарлича оммалашмади.
Ижтимоий тармоқ 2021 йилда ИГТВ лойиҳасини ёпди. Шундан сўнг асосий лентага юкланадиган видеоларнинг давомийлиги бир соатгача узайтирилди.
