Миллий статистика қўмитаси 2025 йилнинг илк 9 ойида Ўзбекистонга қанча электромобиль импорт қилинганини маълум қилди.
Қайд этилишича, шу йилнинг январь—сентябрь ойларида 16 та хорижий давлатдан қиймати 473 миллион долларга тенг бўлган 40 345 дона электромобиль импорт қилинган. Бу ўтган йилнинг мос даврига нисбатан 23 671 донага ёки қарийб 1,5 баробарга кўпроқдир.
Етказиб берувчилар ичида Хитой 39 798 дона шундай автомобиль билан етакчилик қилган. Ундан кейинги ўринларда Ўзбекистонга 249 та электромобиль сотган Гонконг ва 165 та машина импорт қилинган Корея Республикаси турибди.
Бундан ташқари, Германиядан 43 та, АҚШдан 25 та ва бошқа давлатлардан 65 та электромобиль келтирилган.
Аввалроқ Ўзбекистонда сентябрь ойида 7,8 минг дона электромобиль сотилганди. Бу август ойига нисбатан 21,6 фоизга кўп ва рекорд даражадаги кўрсаткич ҳисобланади.
