Венесуэлада 24 июнь куни кечқурун 7,2 ва 7,5 магнитудали иккита кучли зилзила содир бўлди. Иккинчи ер силкиниши биринчисидан бир дақиқадан камроқ вақт ўтгач юз берган.
Табиий офат оқибатида 32 киши ҳалок бўлди, 700 га яқин киши жароҳатланди. Бироқ қурбонлар сони 10 мингдан 100 минггача етиши мумкинлиги прогноз қилинмоқда. Зилзила, айниқса, Каракас шаҳри ва қирғоқбўйи ҳудудларида инфратузилмага жуда жиддий зарар етказди.
Венесуэлада бундан олдинги энг кучли зилзила роппа-роса 126 йил аввал — 1900 йилда содир бўлганди. Ўшанда 7,7 магнитудали ер силкиниши Каракасда юзлаб уйларни вайрон қилганди. АҚШ президенти Дональд Трамп кучли зилзилалар сабабли Венесуэла халқига ёрдам беришга тайёрлигини маълум қилди. АҚШ тез фурсатда мамлакатга қидирув-қутқарув гуруҳлари ҳамда фавқулодда ёрдам воситаларини юборади. Қуйидаги суратларда табиий офат келтирган вайронагарчиликлар, қутқарув ишлари ва жабр кўрган аҳолининг қайғуси акс этган.
