Ўзбекистон Президенти Шавкат Мирзиёев Филиппин Президенти Фердинанд Маркосга ҳамдардлик билдирди. Бу ҳақда Ўзбекистон Президенти матбуот хизмати хабар берди.
Маълум қилинишича, Шавкат Мирзиёев Филиппиннинг Минданао ороли жанубий соҳилларида юз берган кучли зилзила оқибатида кўплаб инсонлар ҳалок бўлгани ва жароҳат олгани муносабати билан Президент Фердинанд Маркосга таъзия йўллаган.
Давлат раҳбари қурбонларнинг оила аъзолари ва яқинларига ҳамдардлик билдириб, жабрланганларнинг тезроқ соғайиб кетишини тилаган.
