Америкалик рэпер Канье Уэст Туркиянинг Истанбул шаҳрида катта концерт берди, дея хабар бермоқда People Talk нашри.
Отатурк номидаги Олимпия стадионида ўтган ушбу концертга жами 118 минг томошабин келган. Бу пулли чипталар сотилган концертлар тарихида томошабинлар сони бўйича энг юқори кўрсаткич сифатида қайд этилди. Шунингдек, ушбу шоу рэпернинг охирги 11 йил ичида Европада ўтказган биринчи концертидир.
Концерт дастури учун арена марказида ер шари шаклидаги йирик саҳна барпо этилган. Дастурда хонанданинг оммалашган треклари янграган. Мухлислар ижтимоий тармоқларда саҳна кўлами, 360 даражали овоз тизими ҳамда дронлар ёрдамидаги ёруғлик эффектларини муҳокама қилмоқда.
