АҚШда ўқитувчилик қилган Коул Алленга Президент Дональд Трампга суиқасд қилишга уриниш айби қўйилди. Бу ҳақда BBC хабар берди.
У, шунингдек, жиноят содир этишда ўқотар қурол ишлатиш ва оғир жиноятни амалга ошириш мақсадида қуролни штатлараро ташиш каби моддалар билан ҳам айбланмоқда. Ушбу айбловлар бўйича унга 10 йилгача қамоқ жазоси таҳдид қилмоқда. Агар суд уни Президентга суиқасд қилишда айбдор деб топса, умрбод қамоқ жазоси тайинланиши мумкин. Ҳозирча Аллен барча айбловларни рад этмоқда.
Прокуратура маълумотига кўра, у ҳужумни амалга ошириш учун бир нечта штатларни кесиб ўтган. Унинг ёнидан 12 калибрли помпа милтиғи, учта пичоқ ва бошқа қуроллар топилган.
