Евроосиё банки 2025 йилнинг молиявий ҳисоботига кўра, Ўзбекистондаги фаолиятини тўхтатиши натижасида 5 миллиард тенге зарар кўрди. Бу ҳақда банкнинг аудиторликдан ўтган молиявий ҳисоботида маълум қилинган.
Банк 2024 йилнинг ёзида Ўзбекистондаги шўъба банки капиталига 7,56 миллиард тенге сармоя киритган. Ҳисоб-китобларда маълум бўлишича, шу маблағнинг 5 миллиард тенгеси йўқотилган.
“2025 йил август ойида банк раҳбарияти Ўзбекистондаги фаолиятни тўхтатиш ҳақида қарор қабул қилди. 5 миллиард тенге миқдоридаги зарар банкнинг консолидациялашган фойда ва зарар ҳисоботига киритилди”, дейилади ҳужжатда.
Ўзбекистон Марказий банки Евроосиё банки шуъба корхонасини 2024 йил 11 январда рўйхатдан ўтказган ва унга банк лицензиясини берган эди. 2024 йил 17 июлда Евроосиё банки Ўзбекистондаги шуъба корхонаси капиталига 200 миллиард ўзбек сўми (7,56 миллиард тенге) миқдорида маблағ ажратган. 2024 йилнинг охирида шуъба корхонага инвестицияларнинг баланс қиймати 7,56 миллиард тенгега баҳоланган, 2025 йил охирида эса, у ноль тенгега тенг бўлган.
Банкнинг Ўзбекистондаги фаолияти 2025 йил август ойида Ўзбекистон Марказий банки Қозоғистоннинг Евроосиё банкининг шуъба корхонаси лицензиясини минимал устав капитали талабларига жавоб бермагани учун бекор қилган. 2025 йил 1 август ҳолатига кўра, банк капитали 104 миллиард сўмни (45,8 миллиард тенге), минимал чегара эса – 500 миллиард сўмни (220 миллиард тенге) ташкил этган.
Банкнинг кредитлари ёки омонатлари бўлмаган ва унинг фаолияти зарар билан якунланган. Корхона 2024 йилнинг дастлабки тўққиз ойида 12,6 миллиард сўм (5,5 миллиард тенге) ва 2025 йилнинг биринчи ярмида 51,6 миллиард сўм (22,7 миллиард тенге) зарар кўрган.
Молиявий муассаса автомобиль ва кредитлаш хизматларини таклиф қилишни, шунингдек, бошқа сегментларда ҳам офислар орқали, ҳам онлайн фаолият юритишни режалаштирган эди.
“Ўзбекистон банкига инвестицияларни тўхтатиш регулятори (Ўзбекистон Марказий банки)нинг расмий билдиришномасидан анча олдин раҳбарият ва директорлар кенгаши томонидан маъқулланган”, деб таъкидлаган банк.
Банк сармоядорлари ва фойдаси 2025 йилда Евроосиё банкнинг фоизли даромадлари 306,96 миллиард тенгени ташкил қилгани айтилади таҳлилда. Соф фойда эса – 25,4 миллиард тенге бўлган. 2024 йилдаги фоизли даромадлар кўрсаткичи – 329,56 миллиард тенгени ташкил этган бўлса, соф фойда 82,7 миллиард тенге бўлган.
2026 йил 7 апрель ҳолатига кўра, банк акцияларининг 100 фоизи Евроосиё финанс корхонасига тегишли бўлган.
ЕФКнинг асосий акциядорлари Алла, Лариса, Анна Машкевичлар, Шухрат Ибрагимов ва Патох Шодиев бўлган. Алла, Лариса ва Анна марҳум Александр Машкевичнинг ворислари ҳисобланади.
Шухрат Ибрагимов оиласи эса, Eurasian Resources Group асосчиларидан бири бўлган марҳум Алижон Ибрагимовнинг меросхўрларидан. Forbes рейтингига кўра, Ибрагимовлар оиласи 1,677 миллиард доллар бойлик билан Қозоғистоннинг энг бой инсонлари рўйхатида еттинчи ўринни эгаллайди.
