Бугун, 29 апрель куни Тошкент шаҳар Яшнобод туманида жойлашган омборхоналарнинг бирида ёнғин содир бўлди. Бу ҳақда пойтахт Фавқулодда вазиятлар бош бошқармаси хабар берди.
Қайд этилишича, соат 17:05 да Яшнобод тумани Тошкент халқа автомобиль йўли кўчасида жойлашган омборхонада ёнғин бўлаётгани тўғрисида Тошкент шаҳар ФВББга хабар тушган. Хабарга асосан 17:08 да қутқарув экипажлари етиб борган ва ёнғин соат 17:30 да қуршаб олинди. Ҳодиса оқибатида тан жароҳати олганлар тўғрисида хабар тушмаган. Айни пайтда ёнғин бартараф этилмоқда.
Вазият Тошкент шаҳар ФВББ томонидан тўлиқ назоратга олинган. Қўшимча малумот тақдим этилади.
