Ижтимоий тармоқларда Тошкент вилоятининг Ангрен шаҳрида пичоқбозлик бўлгани, 3 киши пичоқлангани ва улардан 2 таси вафот этгани ҳақида хабарлар тарқалди. Ҳолатга Ички ишлар вазирлиги матбуот котиби Шоҳрух Ғиёсов изоҳ берди.
Ғиёсовнинг маълум қилишича, ҳозирда мазкур ҳолат юзасидан Ангрен шаҳар прокуратураси томонидан терговга қадар текширув ҳаракатлари олиб борилиб, Жиноят кодексининг 97-моддаси (қасддан одам ўлдириш) 2-қисми “а”,“ж” бандлари билан жиноят иши қўзғатилган.
Ҳозирча ҳодиса тафсилотлари батафсил ошкор этилмаган.
