Сурхондарё вилоятининг Денов туманида 1 млрд сўмлик электр энергиясидан ноқонуний фойдаланиш ҳолати аниқланди. Бу ҳақда Ўзенергоинспекция хабар берди.
Маълум қилинишича, Сурхондарё вилоятининг Денов туманида ўтказилган назорат тадбирида “Д. Т. К.” МЧЖга қарашли бинонинг электр қурилмаларида электр энергиясидан ноқонуний фойдаланиб келаётганлиги аниқланган.
Ушбу қоидабузарлик натижасида электр таъминоти корхонасининг дастлабки ҳисоб-китобларига кўра, 1 миллиард 32 миллион сўмлик зарар етказилгани маълум бўлган.
