Украина Мудофаа разведкаси Россия томонидан Украинага зарба бериш учун фойдаланилган ракеталар ва дронларда 68 та давлатнинг компонентларини аниқлади. Бу ҳақдаги маʻлумот War&Sanctions portalida эълон қилинди.
Сўнгги маълумотларга кўра, Россия фойдаланаётган 9М727 “Искандер-К” қанотли ракетаси, Кҳ-47М2 “Кинжал” аэробаллистик ракетаси, Шимолий Кореянинг КН-23 ва КН-24 баллистик ракеталари ҳамда “Shahed-136” (Россияда “Геран-2”) дронларида хорижий компонентлар аниқланган.
Айнан шу қуроллар 22 октябрь кечаси Россия томонидан Украинага қарши уюштирилган йирик ҳаво ҳужуми чоғида мамлакатнинг энергетика тизими ва тинч аҳоли яшайдиган ҳудудларни нишонга олган.
Россиянинг “импорт ўрнини босиш муваффақияти” ҳақидаги даъволарига қарамай, унинг ракета ва дрон тизимлари ҳанузгача АҚШ, Хитой, Швейцария, Япония, Тайван ва бошқа мамлакатларда ишлаб чиқарилган микрочиплар ва электроника қисмларига таянади.
Бундан ташқари, сўнгги ҳужумда ишлатилган олти турдаги қуролдан иккитаси Россияга унинг “стратегик шериклари” — Эрон ва Шимолий Корея томонидан етказиб берилган.
War&Sanctions порталининг “Қуроллардаги компонентлар” бўлимида ҳозирда 179 хил қурол тизимида ишлатиладиган тахминан 5 200 детал ҳақида маълумот жамланган. Уларга Ўзбекистонда ишлаб чиқарилган компонентлар ҳам киради.
Жумладан, Россиянинг 3М-14 “Калибр” ракетасидан Ўзбекистонда ишлаб чиқарилган 286ЭП3 ва 286ЭП4 микросхемалари топилган. Украина разведкаси уларнинг суратларини намойиш қилган.
