More stories
Наманганда фермер хўжалиги ерини ўзиники эканини айтиб, сотиб юбормоқчи бўлган шахс ушланди. Бу ҳақда Ички ишлар вазирлиги хабар қилди.
Қайд этилишича, жорий йилнинг 5 февраль куни Косонсой туманида яшовчи фуқаро вилоят ИИБга ариза билан мурожаат қилиб, Янгиқўрғон туманида яшовчи Норин-Сирдарё ирригация тизимлари ҳавза бошқармаси насос станциялари энергетика бошқармаси ходими фермер хўжалиги ерини ўзиники деб сотмоқчи эканини билдирган.
Ушбу шахс хўжаликнинг ярим гектар ерини 5 700 долларга пулламоқчи бўлган.
Ўтказилган тезкор тадбирда, гумонланувчи аризачидан кимёвий ишлов берилган пулларни олган вақтида ашёвий далиллар билан ушланди.
Мазкур ҳолат юзасидан Жиноят кодексининг тегишли моддаси билан иш очилиб, тергов ҳаракатлари олиб борилмоқда.
