Наманган вилоятида электр тармоғига ноқонуний уланганлик ҳолати бўйича ҳисобланган жаримани йўқ қилиб беришни ваъда қилган мансабдор шахс ушланди.
Бош прокуратура ҳузуридаги департаментнинг Косонсой тумани бўлими ҳамда бошқа ҳуқуқни муҳофаза қилувчи органлар ходимлари ҳамкорлигида ўтказилган тезкор тадбирда Косонсой туман “Энергосавдо” бўлими юрисконсулти М.М. “Сойча” МФЙда яшовчи фуқаронинг хонадонида электр тармоғига ноқонуний уланганлик ҳолати бўйича тузилган далолатнома асосида ҳисобланган 28,6 млн сўм жаримани йўқ қилиб бериши эвазига ўз хизмат хонасида 2 минг АҚШ долларини олган вақтида ашёвий далиллар билан қўлга олинган.
Мазкур ҳолат юзасидан Жиноят кодексининг 168-моддаси (фирибгарлик) билан жиноят иши қўзғатилиб, ҳозирда тергов ҳаракатлари олиб борилмоқда.
