Франция Президенти Эммануэль Макрон Европада бир хил стандартдаги жангчи самолёт ишлаб чиқилиши кераклигини айтди. У Германия канцлери Фридрих Мерц ва самолёт ишлаб чиқарувчи Airbus компанияси томонидан таклиф қилинаётган иккита самолёт вариантига қарамай, ягона моделни афзал кўрмоқда. Макроннинг фикрича, бу Европанинг мудофаа стратегияси ва солиқ маблағларини оқилона ишлатиш нуқтаи назаридан муҳим. Бу ҳақда “Euronews” ёзди.
Германия эса лойиҳа эҳтиёжлари фарқ қилгани учун иккита самолёт вариантини кўриб чиқмоқда. Франция янги авлод самолётини ядро қуроллари ташиши ва авиакузовдан (ҳарбий кемалардан учиш ва қўниш имконияти) фойдаланиши учун мўлжалламоқда. Airbus бош директори Гиём Фори ҳам агар керак бўлса, икки алоҳида самолёт ишлаб чиқаришга тайёрлигини билдирган.
FCAS (Future Combat Air System – “Келажак жанговар авиация тизими”) дастури 2017 йилдан буён Франция, Германия ва Испания томонидан ишлаб чиқилмоқда. Мақсад 2040 йилгача Rafale ва Eurofighter самолётларини алмаштириш. Лойиҳа Airbus ва Dassault компаниялари ўртасидаги келишмовчиликлар туфайли секинлашган. Макрон глобал рақобатни (Хитой ва Ҳиндистоннинг ҳарбий авиация дастурлари) тилга олиб, Европада ҳарбий ишлаб чиқаришни кучайтириш зарурлигини урғулаган.
