More stories
Кеча, 16 февраль куни Исроил полицияси Шарқий Қуддусда жойлашган Аль-Ақсо масжиди имоми Муҳаммад Али Аббосийни ҳибсга олди. Бу ҳақда Фаластиннинг WAFA ахборот агентлиги хабар берди.
Маълумотларга кўра, полиция Аль-Ақсо масжиди ҳовлисида рейд ўтказиб, имомни қўлга олган. Ҳибсга олиш сабаблари расман маълум қилинмаган.
Хабарда айтилишича, бу ҳолат Исроил ҳукуматининг Аль-Ақсо масжиди, унинг имомлари ва намозхонларга нисбатан чекловларни кучайтириши билан боғлиқ бўлиши мумкин.
Шунингдек, Исроил Шарқий Қуддусда, айниқса Эски шаҳар ва Аль-Ақсо масжиди атрофида хавфсизлик чораларини кучайтиргани қайд этилмоқда. Айрим маълумотларга кўра, фаластинлик уламолар ва фаолларнинг ҳибсга олиниши сабабли, ҳудудда вазият янада кескинлашмоқда.
