“The Ring” журнали вазн тоифасидан қатъи назар, энг яхши боксчиларнинг янгиланган рейтингини эълон қилди. Унда оғир вазн тоифасида WBC, WBA ва IBF чемпионлик камарларини қўлга киритган украиналик Александр Усик америкалик Теренс Кроуфорд фаолиятини якунлаганидан сўнг биринчи ўринга кўтарилди.
Усикдан кейин кучли ўнликдаги барча боксчилар бир поғонадан юқорига кўтарилди. Рейтингнинг энг янги иштирокчиси эса минимал вазн тоифасида WBA, WBO ва The Ring камарларига эга пуэрто-риколик Оскар Коллазо бўлди.
“The Ring” нашрига кўра, 2025 йил 25 декабрь ҳолатига кўра топ-10:
- Александр Усик – Украина;
- Наоя Иноуэ – Япония;
- Жессе Родригес – АҚШ;
- Дмитрий Бивол – Россия;
- Артур Бетербиев – Россия;
- Дзюнто Накатани — Япония;
- Шакур Стивенсон – АҚШ;
- Дэвид Бенавидес – АҚШ;
- Девин Хейни – АҚШ;
- Оскар Коллазо — Пуэрто-Рико.
Маълумот учун, жорий йилнинг июль ойида Александр Усик британиялик Даниэль Дюбуани бешинчи раундда нокаутга учратиб, икки карра мутлақ оғир вазн чемпионига айланганди. Бироқ ўтган ойда у WBO чемпионлик камарини мажбурий ҳимоя қилмасликка қарор қилгани сабабли ушбу камаридан маҳрум қилинган.
