Жиззах вилоятининг Ғаллаорол тумани Суғунбой қишлоғидаги хонадонда газ портлаши оқибатида икки киши ҳалок бўлди.
“Zamon.uz”нинг хабар қилишича, воқеа 25 октябрь соат тахминан 6:50 атрофида содир бўлган. Газ портлаган хонадондан 21 ёшли йигит ва унинг 19 ёшли турмуш ўртоғининг жасадлари олиб чиқилган. Дастлабки маълумотларга кўра, портлашга маиший газ сизиб чиқиши сабаб бўлиши мумкин.
Бош прокуратура матбуот хизматига кўра, ҳозирда ҳолат бўйича терговга қадар текширув ҳаракатлари олиб борилмоқда. Воқеа сабаблари аниқланмоқда.
Ҳолатни ўрганиш бўйича Ғаллаорол туманида махсус комиссия тузилган. Ишчи гуруҳ таркибига ҳокимлик ва Фавқулодда вазиятлар бўлими вакиллари ҳамда тегишли ташкилотлар муҳандислари киритилган. Ишчи гуруҳга мазкур бахтсиз ҳодисани 15 кун ичида ўрганиб чиқиш ва белгиланган тартибда далолатнома тузиш, далолатномалар нусхаларини тегишли ташкилотларга етказиш вазифаси топширилган.
